Vil du skape gode fellesskap og kvardagsglede for barn, ungdom og familiar?

KFUK-KFUM Øygarden er på leit etter ein pedagogisk medarbeidar og koordinator 

KFUK-KFUM Øygarden søkjer ein sjølvgåande, utadvendt og beslutningsdyktig medarbeidar som ønskjer å bidra til fellesskap og gode kvardagar for barn, ungdom og familiar. Vi ser etter deg som tek ansvar og arbeider strukturert – både sjølvstendig og i team.

Stillinga kombinerer to varierte og meiningsfulle roller:

• Pedagogisk medarbeidar i Open Barnehage (50 %)
• Koordinator for Lukas og MåndagsMiddag (20 %)

Fast arbeidstid:

• Ettermiddag/kveld måndag
• Dagtid onsdag, torsdag og fredag
• Personalmøte annan kvar månad (onsdag, ca. 2,5 timar)
• I tillegg er det 8–13,5 fleksible timar per månad til planlegging, marknadsføring,  oppfølging av frivillige frivilligoppfølging m.m. 

Open Barnehage

Open Barnehage er eit lågterskeltilbod for familiar i Øygarden. Her kjem barn saman med ein føresett dei dagane det passar, utan behov for fast plass. Tilbodet gir støtte i foreldrerolla og bygg fellesskap gjennom leik, samtale, måltid og song.

 

Arbeidsoppgåver:

• Delta i det pedagogiske og praktiske arbeidet, inkludert planlegging av aktivitetar
• Vere til stades i leik og samtale med born og føresette
• Førebu og servere lunsj, samt rydde og vaske etter opningstid
• Leie songstunder og bidra til eit varmt og inkluderande miljø

MåndagsMiddag og Lukas 

Som koordinator får du ansvar for to av våre fellesskapstilbod:

• MåndagsMiddag– ein ettermiddag der familiar samlast til måltid, leik, høgtlesing og fellesskap.

• Lukas – ungdomstilbod med aktivitetar som Ten Sing, dans, gaming, drama, action  og sosialt fellesskap.

Arbeidsoppgåver:

• Leie, planlegge og gjennomføre aktivitetar som fremjar trygge fellesskap
• Rekruttere og følgje opp deltakarar, frivillige og ungdomsleiarane
• Lage mat og leie aktivitetar, leik og song
• Oppdatere medlemsliste og system

Til denne stillingen ser vi etter deg som:

• Har engasjement for barn, ungdom og familiar
• Har evne til å planlegge aktivitetar og leie frivillige og ungdomsleiarar.
• Er fleksibel, trygg og trivst i ein mangfaldig arbeidskvardag
• Kommuniserer godt på norsk og engelsk
• Har erfaring med barn, ungdom eller frivilligfeltet 

 Vi tilbyr:

• Eit meiningsfullt arbeid i eit inkluderande arbeidsmiljø
• Moglegheit for fagleg utvikling og deltaking på nasjonale inspirasjonssamlingar
• Løn i høve til tariff og gode pensjons- og forsikringsordningar.

Personleg dugleik vil verte tillagt vekt. Gyldig politiattest må leggjast fram. Søkjarar må identifisere seg med KFUK-KFUM Noreg sitt føremål, kristne profil og verdiar. Vi ser fram til å lese CV og søknaden din.

KFUK-KFUM ønskjer tilsette med ulik bakgrunn og erfaring. Vi trur at mangfald gjer oss betre og styrkjer arbeidet vårt for barn og unge. Vi oppmodar derfor alle kvalifiserte søkjarar til å søkje – uavhengig av alder, kjønn, funksjonsevne, legning eller bakgrunn.